Informazio orokorra

José A. Lozano

Scientific Director

BCAM matematika aplikatuen arloko puntako diziplinarteko ikerketa zentroa da. 2008. urtean sortu zen Bikaintasun Ikerketarako Euskal Zentro (Basque Excellence Research Center edo BERC, ingelesez) izenarekin eta arreta berezia jarrita matematikaren arloko diziplinarteko ikerketan, zientzialari talentudunak trebatu eta erakartzeko helburuan, eta mundu osoko aurrerapauso zientifiko eta teknologikoen sustapenean. Zentroak hiru aldiz jaso du (2013, 2018 eta 2021) Severo Ochoa aipamena eta, horri esker, arlo honetako Europako erakunde garrantzitsuenetako bat bihurtu da.

Gizateriaren hastapenetik, matematikak beti izan dira zientzia naturalen eta gizarte zientzien oinarri nagusia. Era berean, zientziak izan dira historiako garapen matematiko gehienen inspirazio iturria. Azken hamarkadetan, teknologiak zientziarekin bat egin du matematikaren sustapenean, izan ere, teknologia hori modelatzeko eta bere portaera aurresateko gai diren garapen matematiko berriak eskatzen dira orain. Zientziarekin gertatu den modu berean, matematika moderno hauek aurrerapen teknologiko berriak sortzen ari dira. BCAMen, gure helburua da gizartearen ongizaterantz bideratutako garapen zientifiko eta teknologikoetan lagunduko duen matematikaren aurkikuntzaren buru izatea. Beste era batera esanda, elkarrekin idatzi nahi ditugu etorkizuneko matematikak.