BCAMek "HR Excellence in Research" egiaztapena berritu du

• Berritze honek BCAMek giza baliabideen kudeaketan estandar gorenak mantentzeko duen konpromisoa eta ikertzaileentzako lan-ingurune positibo eta lagunkoia sortzeko dedikazioa berresten ditu.

BCAM harro dago HR Excellence in Research egiaztapen prestigiotsuaren berritzea iragartzeaz. Aitortza honek zentroak giza baliabideen kudeaketan bikaintasunarekin duen konpromisoa eta ikertzaileei babesa emango dien lan-ingurune bat sustatzeko konpromisoa berresten ditu.

Europako Batzordeak ematen duen HR Excellence in Research sariak ikertzaileen kudeaketan jardunbide egokienak jarraitzen dituzten erakundeak onartzen ditu, giza baliabideen politika eraginkor, bidezko eta gardenak bermatuz. Egiaztapen hau berritzeak BCAMek bere estrategiak Ikertzaileen Europako Gutunarekin eta Ikertzaileak Hautatzeko Jokabide Kodearekin lerrokatzeko egiten duen etengabeko ahalegina nabarmentzen du.

"Oso pozik gaude gure HR Excellence in Research egiaztapena arrakastaz berritu dugu", adierazi du José Antonio Lozanok, BCAMeko zuzendari zientzifikoak. "Aitortza honek gure ikertzaileen garapen profesionalari laguntzeko, lankidetzazko ingurune inklusibo bat sustatzeko eta BCAM lehen mailako talentuarentzat leku erakargarria izaten jarraitzeko dugun konpromisoa islatzen du".

Aitortza honek BCAMen ospea indartzen du matematika eta zientzia aplikatuetako ikerketa-erakunde lider gisa, eta aurrerapen zientifikoari laguntzeko misioa sendotzen du, ikertzaileei babesa eta zaintza eskaintzen dien ingurune bat bermatuz.