BCAMeko MATH4SPORTS proiektuko ikertzaileak Dortmundera joan dira Kirol Lesioen Prebentzioari buruzko Nazioarteko Sinposiora

• Nazioarteko Sinposioa TU Dortmund Unibertsitateko Kirol eta Kirol Zientzien Institutuan egin zen, eta 8 herrialdetako 70 interesdun bildu zituen: zientzia, medikuntza eta kirol arloko profesionalak.
• Ekitaldi hau taldearen lan-bileren bigarren zatirako egoitza ere izan da, 2023ko irailean BCAMen hasitako saioei jarraipena emanez.

BCAMeko ikertzaileak Kirol Lesioen Prebentzioari buruzko Nazioarteko Sinposiora bidaiatu dute MATH4SPORTS proiektuaren esparruan. Proiektu honen helburua matematika aplikatua kirol-industrian teknologia bultzatzaile gisa transferitzea da, Bizkaiko ingurune berritzaileko start-up, klub profesional, ikertzaile eta beste eragile batzuentzat transferentzia teknologiko handiko potentziala duelarik.

Sinposioa TU Dortmund Unibertsitateko Kirol eta Kirol Zientzien Institutuan ospatu zen, eta 8 herrialdetako 70 parte-hartzaile erakarri zituen, zientziaren, medikuntzaren eta kirolaren arloko profesionalak.

Sinposioan Kirol Zientzietako, lesioen prebentzioko, estatistikako, kirol-fisioterapiako eta errehabilitazioko nazioarteko hizlari nabarmenek parte hartu zuten. Talde-kirol guztietan kirolarien segurtasuna eta errendimendua hobetzera bideratutako azken ezagutzak eta punta-puntako ikerketak partekatu zituzten bertan.

Gainera, ekitaldi honek taldearen lan-bileren bigarren saiorako balio izan du. Bilera horiek 2023ko irailean hasi ziren BCAMen, eta akademiaren mundua eta Europako futboleko profesionalena batzeko elkargune gisa balio dute, ezagutzaren trukea sustatuz. Dortmundeko bigarren bilera honetan honako hauek hartu zuten parte:

• Hezkuntza-erakundeak eta ikerketa-zentroak: Jone Renteria eta Mikel Pérez – BCAM; Dae-Jin Lee – IE University, School of Science and Technology; Andreas Gröll – TU Dortmund University; Ina-Marie Berendes – TU Dortmund University; Andreas Bender – Ludwig Maximilians Universität München; Christophe Ley – University of Luxembourg; Sophia Loizidou – University of Luxembourg; Gabriella Vinco – University of Luxembourg.

• Kirol-klubak: Alex Gerharz eta Mathias Kolodziej – Borussia Dortmund; Mikhail Zhilkin – Arsenal FC; Jon Larruskain – Athletic Club.