BCAM OREgaua 2025eko partaide izan da; Ikertzaileen Europako Gauak itsas energia berriztagarrien potentziala 3.000 pertsona baino gehiagori hurbildu die

• BCAMek OREgaua 2025ean parte hartu du. Ikertzaileen Europako Gauak itsas energia berriztagarrien potentziala 3.000 pertsona baino gehiagori hurbildu die.

• Irailaren 26an, Lasesarre kiroldegia laborategi handi bat bihurtu zen ORE4CITIZENS ekimenaren eskutik. Tecnalia, BCAM, UPV/EHU eta Euskampus taldeetako euskal emakume zientzialariek bultzatutako aliantza da hau, itsas energia berriztagarrien potentziala herritarrei ezagutarazteko.

• ORE4CITIZENS MSCA & Citizen proiektu bat da. Deialdi honen helburua ikerketa eta ikertzaileak publiko orokorrari hurbiltzea da, arreta berezia jarriz familietan eta ikasleengan.

BCAMek irailaren 26an parte hartu zuen OREgaua 2025ean, Ikertzaileen Europako Gauean. Ekitaldi horrek Lasesarre kiroldegia laborategi erraldoi bihurtu zuen, itsas energia berriztagarrien potentziala 3.000 pertsona baino gehiagori helarazteko.

OREGaua ORE4CITIZENS proiektuaren ekitaldi nagusia da; Tecnalia, BCAM, UPV/EHU eta Euskampus taldeetako euskal emakume zientzialariek bultzatutako aliantza, itsas energia berriztagarriak herritarrei hurbiltzeko.

BCAMen aldetik, Ana Fernández Navamuel da proiektuko ikertzaile nagusia (IP). Zentroko hainbat ikertzailerekin (Floren Balboa, Daniel Eceizabarrena, Elissabeta de Giovanni, Nuria Richer, Chayma Nsibbi) eta administrazio-taldeko kideekin batera, hainbat esperimentu diseinatu eta aurkeztu zituen:

• Turbinen detektibe: Modu dibertigarrian, parte-hartzaileek zientziak, teknologiak eta matematikak gure energia-erraldoiak zaintzen nola laguntzen diguten deskubritu zuten. Bibrazio txiki bat edo ia ikusezina den inklinazio bat arazo handi bati aurrea hartzeko gakoa zergatik izan daitekeen ulertu zuten.

• Koloreetan harrapatutako beroa.

• Karta jokoak: itsas lanbideak.

OREGauak 30 gune baino gehiago izan zituen esperimentu zientifiko interaktiboekin; robot subakatikoen erakustaldi teknologikoak; dronen hegaldien zuzeneko frogak; Txikigunea; euskal emakume zientzialarien erakusketa; yinkanak, lehiaketak eta askoz gehiago.

150 ikertzaile baino gehiagok partekatu zuten beren lana eta zientziarekiko pasioa, klima-aldaketari aurre egiteko "Made in Euskadi" soluzioetan arreta jarriz eta zientzia herritarrei modu parte-hartzaile eta dibertigarrian hurbilduz.

Horrela, irailaren 26an, esparrua familiatuz bete zen; batez beste ia bi ordu eman zituzten 40 tailer zientifiko baino gehiago arakatzen.

Boluntarioen konpromisoari esker, OREgaua 2025 zientziaren eta gizartearen arteko topagune gisa finkatu zen, dibulgazio zientifikoa entretenigarria eta eraldatzailea izan daitekeela frogatuz.

ORE4CITIZENS MSCA & Citizen proiektu bat da. Deialdi honen helburua ikerketa eta ikertzaileak publiko orokorrari hurbiltzea da, batez ere familiak eta ikasleak ardatz hartuta.